Charter Document - 04970065
| Charter Number: | 04970065 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1251 - 1252 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Officialis curie Parisiensis salutem in Domino Notum facimus quod in nostra presencia constitute domicella Aalipdis de Briis vidua et domina Johanna filia ejus vidua voluerunt et concesserunt expresse coram nobis spontanee non coacte ut asserunt quod monasterium de Roscha Parisiensis dyocesis ordinis Sancti Victoris Parisiensis habeat teneat et possideat perpetuo in manu mortua quatuor arpenta terrarum arabilium et dimidium arpentum de friche et d'aunai sita ut dicitur versus Roscham subtus stannum de Roscha contigua terre de Pommeret ut dicitur in censiva domini Johannis de Nantolio militis quas terras idem miles tenebat in feodum a predictis Aalipdi et Johanna ut dicebatur et quas terras abbas et conventus predicti monasterii emisse dicuntur a Roberto de Granchia et ejus nepotibus ita tamen quod predictum monasterium solvat predicto militi novem solidos Parisienses ratione capitalis census annis singulis et heredibus militis supradicti Quitantes penitus coram nobis quicquid juris dominii possessionis et proprietatis habebant seu habere poterant quoquomodo in terris predictis nichil juris sibi et heredibus suis ex nunc retinentes in eis promittentes fide in manu nostra prestita corporali quod contra concessionem et quitacionem predictas per se vel per alium jure hereditario ratione do arii vel alio modo non venient in futurum et quod in predictis terris ratione feodi vel aliqua alia ratione nichil in posterum reclamabunt Quod autem audivimus hoc testamur sine juris prejudicio alieni Datum anno Domini MCC quinquagesimo primo mense marcio