Charter Document - 04970062
| Charter Number: | 04970062 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1244 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis ego Milo dominus de Stanno armiger notum facio quod ego intuitu caritatis et pro salute anime mee Agnetis de Voisins uxoris mee et parentum meorum de voluntate ejusdem uxoris volo et concedo abbati et conventui ecclesie Beate Marie de Roscha ut ipsi nomine ecclesie seu predicte sex arpenta vinee sita in censiva mea apud Stannum que arpenta iidem fratres nomine dicte ecclesie quinque annis retroactis continue de permissione et voluntate mea et predicte uxoris mee pacifice possederunt teneant et habeant in manu mortua perpetuo pro sex solidis et quatuor denariis et obolo Parisiensi michi et heredibus meis annuatim ab eisdem fratribus vel eorum mandato in festo beati Dyonisii persolvendis et ad petitionem dictorum fratrum vel eorum mandatum in eodem festo a me et meis heredibus sine contradictione aliqua recipiendis Teneor etiam ex debito ad omnia predicta fieri ut dictum est et eorum singula cum effectu excepta solutione a fratribus vel eorum nuntio facienda Promitto insuper bona fide me ad garantizandum predicta modo predicto ad usus et consuetudines Francie dictis abbati et conventui nomine ecclesie supradicte et quod per me seu per alium de cetero contra predicta seu eorum aliquod modo aliquo non veniam in futurum Que ut rata sint in posterum et perseverent presentes litteras sigilli mei munimine roboravi Actum anno Domini MCC quadragesimo quarto mense novembri