Charter Document - 04970060
| Charter Number: | 04970060 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1245 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Johannes de Nantolio miles salutem Noverit universitas vestra quod ego de assensu et voluntate Margarete uxoris mee volui et concessi ut ecclesia Beate Marie de Roscha habeat et possideat et in manu mortua teneat pacifice et quiete unum modium bladi quod de feodo meo movere dignoscitur in molendino de Hautun annuatim percipiendum quem modium bladi frater Johannes de Ructoria ejusdem ecclesie canonicus assensu fratrum suorum videlicet Milonis militis et Gilonis clerici et Philippi et Symonis armigerorum predicte ecclesie pro salute anime sue et parentum suorum in dicto molendino singulis annis percipiendum in perpetuam elemosinam contulit et donavit Promisi eciam quod bona fide predictam elemosinam contra omnes ad usus et consuetudines Francie garantizabo Margareta vero uxor mea quicquid juris ratione dotalicii vel aliquo alio modo in supradicto modio bladi habebat vel habere poterat spontanea et non coacta quitavit Promisit eciam dicta Margareta per suam fidem quod contra supradictam elemosinam et donationem per se vel per alium de cetero non veniet Ego vero ad peticionem dicti fratris Johannis et supradictorum fratrum suorum ad confirmationem predicte donationis et elemosine presentes litteras sigilli mei munimine roboravi Actum anno Domini MCC quadragesimo quinto mense augusto