Charter Document - 04970059
| Charter Number: | 04970059 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1238 - 1239 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras [inspectaris] Officialis curie Parisiensis salutem in Domino Notum facimus quod in nostra presentia constitutus Johannes Broschart miles asseruit coram nobis quod defunctus Nicholaus miles quondam avunculus ipsius Johannis dedit olim et concessit in puram et perpetuam elemosinam abbati et conventui de Roscha duos sextarios bladi percipiendos singulis annis in molendino de Rooduna Quam donationem sive elemosinationem voluit et concessit idem Johannes miles coram nobis constitutus et quod dicta ecclesia teneat in manu mortua sine coactione vendendi sive alienandi dicta duo sextaria bladi et eadem percipiat in molendino memorato singulis annis prout superius est expressum promittens quod contra donationem sive elemosinationem hujus[modi] per se vel per alium non veniet in futurum Actum anno Domini MCC tricesimo septimo mense martio