Charter Document - 04970055
| Charter Number: | 04970055 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1249 |
| Date type: | Internal, A.D. |
| Resource Link(s): |
|
Charter:
Ego Guido de Caprosia miles notum facio universis presentes litteras inspecturis quod cum ego tenerer defuncte Ysabelle de Toussus reddere quinque solidos censuales percipiendos annuatim in crastino Omnium Sanctorum in meo magno censu de Caprosia a dicta domina in perpetuum ipsa domina de voluntate et consensu suorum heredum predictos quinque solidos censuales ecclesie Beate Marie de Roscha in puram et perpetuam elemosinam contulit et concessit percipiendos a dicta ecclesia in eodem censu de me et heredibus meis eodem modo quo percipiebat dicta domina dum viveret Hanc autem donationem volui laudavi et concessi Et ut hoc firmum et stabile permaneat presentem paginam sigilli mei munimine roboravi Actum anno Domini MCC quadragesimo octavo mense marcio