Charter Document - 04970052
| Charter Number: | 04970052 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1236 - 1237 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis ego Guido miles dominus Caprosie salutem in Domino Notum facimus universis quod cum Petrus de Capella miles et Luciana ejus uxor vendidissent duos modios bladi annui redditus in decima sua de Menildon sita in parrochia de Caprosia et etiam quicquid habebat in totali decima ejusdem ville et eciam in territorio ejusdem et quicquid Guillermus armiger frater ejusdem Petri in eisdem locis habebat ibi de decima assensu G expresso interveniente ecclesie Beate Marie de Roscha ordinis Sancti Victoris quam decimam tenebat in feodum a Symone de Malveriis milite primo loco et idem S a nobis immediate Nos ad preces dicti Petri militis dictam venditionem volumus et concedimus et rectam habemus volentes et concedentes quod eandem decimam teneat ecclesia predicta de cetero in manu mortua sine aliqua coactione [vendendi] seu ponendi extra manum suam Promittimus insuper quod de cetero in eadem decima nec per nos nec per alium nichil juris de cetero reclamabimus sed ipsam venditionem ex nunc ratam habemus et in perpetuum habebimus Datum anno Domini MCC tricesimo sexto mense marcio