Charter Document - 04970043
| Charter Number: | 04970043 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1205 |
| Date type: | Internal |
| Resource Link(s): |
Cartulaires d'Île-de-France |
Charter:
Quoniam cito labitur quicquid humano favore solidatur noverint omnes tam posteri quam moderni quod controversia erat inter fratres de Roscha et Richardum presbiterum de Cogneriis super quadam decima in novalibus nemoris Lande sita quam tenuit Symon de Villatain clericus dum viveret que controversia assensu utriusque partis in hunc modum est sopita quod pretaxati fratres medietatem illius decime tam presencium quam futurorum novalium Lande quiete et pacifice in perpetuum possidebunt et presbiter Cogneriarum quisquis erit aliam medietatem simili modo quiete et pacifice in perpetuum possidebit Si vero adversus prefatum presbiterum et fratres supradictos super decima superius nominata aliquis aliquam movere voluerit questionem et contra eos insurgere attemptaverit tam prefati fratres quam presbiter sepe dictus alter ad alterum in sumptibus causarum providerent et adjuvarent vicissim ita quod unusquisque eorum dampnum et lucrum in eadem causa sustinebit Et ut hec omnia predicta rata permaneant in perpetuum ego Philippus Pissiacensis archidiaconus in cujus presentia hoc actum fuit sub cirographo hoc duxi dignum subscribi et ad petitionem utriusque partis sigilli mei caractere feci confirmari Actum anno MCC quinto