Charter Document - 04970037
Charter Number: | 04970037 |
---|---|
Cartulary Title: | Cartulaire de l'Abbaye de Notre-Dame de La Roche |
Charter Language: | Latin |
Charter Origin: | Lay |
Charter Type(s): | Grant |
Date: | 1244 |
Date type: | Internal, A.D. |
Resource Link(s): |
Cartulaires d'Île-de-France |
Charter:
Universis presentes litteras inspecturis Galterus de Poissiaco miles salutem Noverit universitas vestra quod ego volo et concedo ut ecclesia Beate Marie de Roscha habeat et possideat et in manu mortua teneat decem solidos Carnotenses quos Ysabellis quondam uxor mea dicte ecclesie pro remedio anime sue contulit Quos decem solidos in censu de Cerevilla qui de hereditate sua movebat in festo sancti Remigii dicta ecclesia debet percipere annuatim In cujus rei memoriam presentes litteras sigilli mei munimine roboravi Actum anno Domini MCC quadragesimo quarto mense septembri