Charter Document - 04970036
| Charter Number: | 04970036 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Officialis curie Parisiensis salutem in Domino Notum facimus quod in nostra presencia constituti Galterus de Poissiaco miles et Ysabellis ejus uxor asseruerunt quod defuncta Petronilla quondam uxor domini Symonis de Levies et mater dicte Ysabellis dederat in elemosinam ecclesie Beate Marie de Roscha tres modios bladi medietatem hybernagii et medietatem avene percipiendos in decima sua de Paucovillari volens quod si dicta decima non sufficeret ad solutionem dicti bladi annuatim infra festum Omnium Sanctorum eidem ecclesie faciendam quod defectus caperetur super decima ipsius Petronille de Nant Quam elemosinationem et donationem eidem Galterus et Ysabellis voluerunt coram nobis quitantes eidem ecclesie quicquid juris in dictis tribus modiis habebant vel habere poterant quoquomodo pro qua quitacione recognoverunt coram nobis se de bonis ejusdem ecclesie triginta libras Turonenses recepisse in pecunia numerata et dictos abbatem et conventum ejusdem ecclesie de Roscha remisisse eisdem Galtero et Ysabelli duodecim modios bladi in quibus eisdem abbati et conventui tenebantur ut asseruerunt de arreragiis elemosinationis predicte Datum anno Domini MCC quadragesimo tercio mense aprili