Charter Document - 04970030
| Charter Number: | 04970030 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1243 - 1244 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Johannes de Nantolio miles notum facio tam presentibus quam futuris quod ego et Margareta uxor mea volumus et concedimus quod ecclesia Beate Marie de Roscha teneat et possideat pacifice et quiete in manu mortua omnia tam in terris quam pratis et nemoribus et vineis et aliis possessionibus que bone memorie dominus Guido de Levies quondam mareschallus Albigensis dicte ecclesie in elemosinam contulit et quicquid jure feodali sive alio quocunque modo in supradictis habebamus vel habere poteramus totaliter quitavimus ecclesie memorate nichil juris vel dominii sive alicujus proprietatis nobis et heredibus nostris in omnibus supra memoratis retinentes Promittimus eciam bona fide quod contra predictam elemosinam nec per nos nec per alios veniemus in futurum et quantum ad nos pertinet omnia supradicta secundum consuetudines Francie supradicte ecclesie garantizabimus Quod ut ratum et stabile permaneat presentes litteras sigilli nostri munimine fecimus communiri Actum anno Domini MCC quadragesimo tercio mense januario