Charter Document - 04970029
| Charter Number: | 04970029 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1239 - 1240 |
| Date type: | Internal, A.D. |
| Resource Link(s): |
|
Charter:
Ego Johannes de Nantolio miles dominus de Levies assensu et voluntate Margarete uxoris mee volo et concedo quod ecclesia Beate Marie de Roscha libere et quiete teneat et possideat terram de Pommeret que de feodo meo movere dignoscitur quam terram bone memorie Guido de Levies quondam mareschallus Albigensis dicte ecclesie in puram et perpetuam elemosinam condonavit Preterea volo et concedo quantum ad me attinet quod supradicta ecclesia pacifice et quiete teneat et possideat duos sextarios bladi hybernagii quos Almaricus de Levevilla et Girardus filius ejus milites in granchia sua apud Doinviller sepe dicte ecclesie in perpetuam elemosinam contulerunt Volo etiam et concedo quod stannum supradicte ecclesie cursum aque sue scilicet Essevouir liberum habeat et competentem Quod ut ratum et firmum permaneat presentem paginam sigilli mei munimine roboravi Actum anno Domini MCCXXXIX mense marcio