Charter Document - 04970022
| Charter Number: | 04970022 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1213 |
| Date type: | Internal, A.D., Episcopal |
| Resource Link(s): |
Cartulaires d'Île-de-France |
Charter:
Petrus Dei gratia Parisiensis episcopus omnibus presentes litteras inspecturis salutem in Domino Notum facimus quod cum fratres de Roscha emissent a Galtero charpentario et M uxore sua IIII sextarios bladi in decima de Logiis pro septem libris Parisiensis monete et in emptione illa presbiter de Toussus assereret ecclesiam suam debere preponi ac quod decima illa est in parrochia sua sita Tandem bonis viris mediantibus inter eos facta est compositio in hunc modum quod presbiter de Toussus medietatem septem librarum persolvet et medietatem illorum IIII sextariorum habebit et alia medietas remanet fratribus de Roscha Preterea cum presbiter de Toussus peteret a fratribus de Roscha decimas novalium tam presencium quam futurorum in decima de Logiis coram W archidiacono et P succentore Parisiensibus a domino Papa judicibus delegatis tandem inter eos coram ipsis judicibus intervenit compositio in hunc modum quod dicti fratres debent annuatim exsolvere presbitero de Toussus tres minas hybernagii et tres minas avene in decima de Logiis quitaverunt eciam ipsi fratres prefato presbitero decimam quam habebant in duobus arpentis terre ipsius presbiteri quorum alter situs est apud Faiel alter autem apud Noam Herbodi Presbiter autem predictus in verbo sacerdotis promisit quod nichil ulterius in ipsa decima novalium neque futurorum neque extancium reclamabit In cujus rei memoriam has litteras fecimus nostro sigillo muniri Actum anno Domini MCC tertio decimo mense decembri pontificatus nostri anno sexto