Charter Document - 04970020
| Charter Number: | 04970020 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1233 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Officialis curie Parisiensis salutem in Domino Notum facimus quod Guillermus Laceron et Emelina uxor ejus in nostra presencia constituti recognoverunt se vendidisse ecclesie Beate Marie de Roscha quamdam domum cum pertinenciis suis liberam et sine aliqua consuetudine sive redibentia sitam ut dicitur apud Logias pro quindecim libris Parisiensibus jam eis solutis ut ipsi assererunt coram nobis quam domum tenebant in feodum ut dicitur a Roberto de Logiis burgensi de Caprosia promittentes fide media quod contra venditionem istam per se vel per alium non venient in futurum et quod dictam domum cum pertinenciis suis ad usus et consuetudines Francie garantizabunt dicte ecclesie contra omnes Ad hec predicta Emelina quitavit penitus et expresse quicquid in dicta domo habebat vel habere poterat ratione dotalicii seu quocunque alio modo spontanea voluntate Preterea dictus Robertus primus dominus feodi de cujus feodo dicta domus cum pertinenciis suis movere dicitur prout idem asserebat et Johannes Faiel de Toussus secundus ut dicitur dominus dicti feodi ut similiter asserebat in nostra presencia constituti dictam venditionem voluerunt pariter et concesserunt promittentes fide in manu nostra prestita corporali quod contra dictam venditionem venire in perpetuum nullatenus attemptabunt et quod dictam domum cum pertinenciis suis predicte ecclesie garantizabunt contra omnes et quod in dicta domo et pertinenciis ejus nichil juris de cetero reclamabunt exceptis duodecim denariis capitalis census quos dictus Johannes Phayel habebit annis singulis in festo beati Remigii super domo memorata Voluerunt nichilominus dictus Robertus et Johannes Phayel quod dicta ecclesia teneat in perpetuum in manu mortua sine aliqua coactione vendendi dictam domum cum ipsius pertinenciis libere et quiete In cujus rei testimonium presentes litteras ad petitionem parcium sigillo curie Parisiensis fecimus sigillari Datum anno Domini MCC tricesimo tercio mense junio