Charter Document - 04970018
| Charter Number: | 04970018 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Tithe |
| Date: | 1209 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Petrus Dei gracia Parisiensis episcopus omnibus presentes litteras inspecturis salutem in Domino Notum facimus quod Rogerus de Villa Davroi et Elisabeth uxor sua quitaverunt et concesserunt fratribus Beate Marie de Roscha in perpetuam elemosinam quicquid juris se habere dicebant in decima de Logiis et fidem suam corporaliter prestiterunt quod nichil de cetero in ipsa decima reclamabunt rectam garanciam exinde bona fide laturi Predictus autem Rogerus se devestivit de omni jure quod se asserebat habere in decima memorata Quod ut ratum permaneat et in posterum perseveret presentes litteras sigilli nostri munimine fecimus roborari Actum anno gratie MCC nono mense octobri