Charter Document - 04970014
| Charter Number: | 04970014 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Philippus archidiaconus Pissiacensis omnibus presentem paginam inspecturis salutem in vero salutari Universitati vestre notum fieri volo quod ego intuitu pietatis et amore Dei et salute anime mee et parentum meorum dedi in perpetuam elemosinam ecclesie Beate Marie de Roscha ad victum duorum sacerdotum totam decimam de Logiis exceptis duobus modiis et octo sextariis quos eadem ecclesia Sancte Marie ex donatione Guidonis de Levies et Guiburgis ejus uxoris antea habebat quam decimam a predicto Guidone de Levies et Guiburge uxore ejus pro ducentis et quadraginta libris comparavi domino Petro de cujus feodo predicta erat decima concedente et donationem illam ratam habente Quod ut ratum permaneat et in posterum perseveret sigilli mei munimine dignum duxi confirmari Actum Parisius date anno gratie MCCVIII