Charter Document - 04970012
| Charter Number: | 04970012 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1239 |
| Date type: | Internal, A.D. |
| Resource Link(s): |
|
Charter:
Ego Matheus de Malliaco miles notum facio omnibus presentes litteras inspecturis quod donationem quam Guido de Levies miles quondam mareschallus de Albigesio et Guiburgis uxor sua fecerunt ecclesie Beate Marie de Roscha de decima de Villanova que movebat de feodo nostro et quam ipsi tenebant a nobis volui et concessi et ut eam dicta ecclesia teneat in manu mortua Et ut hoc ratum et firmum in posterum perseveret presens scriptum sigilli mei munimine roboravi Actum anno gratie MCCXXX nono mense julio