Charter Document - 04970009
| Charter Number: | 04970009 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 |
| Date type: | Internal, A.D. |
| Resource Link(s): |
|
Charter:
In nomine Domini nostri Jhesu Christi amen Ego Reginaldus Carnotensis episcopus notum facio omnibus tam presentibus quam futuris quod dominus Symon de Honeinvilla cum assensu Alaude uxoris sue et Mathei fratris sui ecclesie Beate Marie de Roscha ad victum unius sacerdotis quem ibi assignavit pro salute anime sue patris et matris sue et antecessorum suorum et pro remedio animarum antecessorum uxoris sue dedit et concessit in perpetuam elemosinam decem et octo sextarios frumenti ad mensuram Honeinville et duos modios avene rasos ad mensuram Carnotensem in granchia sua Honeinville infra octavam sancti Remigii annuatim recipiendos Hujus elemosine donationem concessit dominus Symon de Cotanariis et domina Petronilla uxor sua de cujus feodo est Ne igitur hec donatio ab aliquo vel in aliquo possit molestari sigillo meo ipso deprecante et petente et meipso consilium adhibente feci confirmari Actum anno Incarnationis millesimo CCVIII