Charter Document - 04960325
| Charter Number: | 04960325 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1271 - 1272 |
| Date type: | Internal |
| Resource Link(s): |
|
Charter:
Omnibus presentes litteras inspecturis ego Symon de Buxeria miles salutem in Domino Noverit universitas vestra quod ego Symon pro salute anime mee et patris mei et matris mee et antecessorum meorum assensu et voluntate Johanne uxoris mee et Gaufridi primogeniti mei et hereduni meorum dedi et concessi intuitu pietatis et misericordie ecclesie Beate Marie Portus Regii et sanctimonialibus ibidem Deo servientibus viginti sex sol et novem denar annui census sitos in territorio de Valmorel scilicet in feodo movente de villa Favereiis reddendos annuatim dictis monialibus dictos XX sex sol et novem den par tribus terminis videlicet ad festum sancti Lamberti et ad festum sancti Remigii et ad festum sancti Dyonisii residtium et unam droituram sitam super masuram defuncti Ysembardi tenenda omnia ista dictis monialibus in puram et perpetuam elemosinam libere pacifice et quiete absque reclamatione mei Johanne uxoris mee et Gaufridi primogeniti mei et aliorum heredum meorum amodo Hanc autem donationem et concessionem ego dictus Symon de Buxeria miles et Johanna uxor mea promittimus quantum in nobis est contra omnes garantire Et ut hoc firmum et stabile permaneat presentes litteras sigillorum nostrorum munimine dedimus sigillatos Actum anno Domini MCC septuagesimo primo mense januarii