Charter Document - 04960324
| Charter Number: | 04960324 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Assignment |
| Date: | 1271 |
| Date type: | Internal |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Matheus dominus Marliaci cambellanus Francie salutem in Domino Cum pro quinta parte totius hereditatis carissime sororis nostre Beatricis moniales de Portu Regis teneamur assidere et etiam amortisare quantum ad nobis est abbatisse et conventui de Portu regis ac monasterio dicti loci in terra nostra viginti libras annui et perpetui redditus notum facimus quod dictas viginti libras assignamus et assidemus in terra nostra de Mellento recipiendas in terminis qui secuntur videlicet prima die decembris centum solidos parisiensium prima die martis totidem prima die junii totidem prima die septembris totidem Volumus insuper et concedimus quod predicte abbatissa et conventus predictas viginti libras recipiant et eas tanquam primus dominus amortisamus et eas garantire promittimus bona fide nos et heredes nostros quantum ad omnia supra specialiter obligantes In cujus rei testimonium presentes litteras dedimas sigilli nostri caractere sigillatas Actum anno Domini millesimo ducentesimo septuagesimo primo mense decembri