Charter Document - 04960306
| Charter Number: | 04960306 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1267 |
| Date type: | Internal |
| Resource Link(s): |
Cartulaires d'Île-de-France |
Charter:
Omnibus [] Officialis Curie Parisiensis [] Notum facimus quod in nostra presentia constitutus Johannes de Latigniaco civis parisiensis aurifaber asseruit quod percipiebat ex conquestu suo proprio super quadam domo sita Parisius in vico Eremburgis de Bria contigua ex una parte domui Radulfi Barbitansoris et ex alia domui magistri Godiarni de Polonia clerici de proprio fundo et censiva dicti Johannis movente quam domum tenet ad presens Guillelmus de Senonibus decem solidos parisiensium annui census capitalis annis singulis duobus terminis videlicet quinque solidos ad Nativitatem Domini et quinque ad Pascha Quos decem solidos recognovit coram nobis ob remedium anime sue in puram et perpetuam elemosinam donatione inter vivos ecclessie Beate Marie de Portu Regis cisterciensis ordinis Parisiensis diocesis Cedens et transferens ex hoc nunc [] Promittens bona fide [] In cujus rei testimonium ad petitionem dicti Johannis sigillum Curie Parisiensis presentibus litteris duximus apponendum datum anno Domini millesimo ducentesimo sexagesimo septimo die jovis in vigilia Nativitatis Beati Johannis Baptiste