Charter Document - 04960303
| Charter Number: | 04960303 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1264 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Officialis Curie Parisiensis salutem in Domino Notum facimus quod in nostra presencia constitute Dyonisia et Sedilia Agnes et Margareta sorores filie quondam domini Johannis dicti Judas de Couperia militis animarum suarum et corporum saluti providere cupientes ac etiam religionis habitum sub voto castitatis in ecclesia Beate Marie de Portu Regio Parisiensis dyocesis assumere intendentes dederunt coram nobis pure et simpliciter ac motu proprio donatione facta inter vivos sine spe revocandi abbatisse et conventui dicte ecclesie ac religioni earumdem in perpetuum se cum omnibus bonis que habent in Couperia et alibi tam mobilia quam immobilia ubicumque sint et quocumque nomine censeantur Cedentes ex nunc et transferentes in dictas abbatissam et conventum et earum monasterium perpetuo omne jus dominium proprietatem possessionem et quamlibet actionem realem et personalem utilem et directam que sibi in predictis bonis suis mobilibus et immobilibus quibuslisbet competebant et competere poterant modo et ratione quibuscumque Et promiserunt dicte Dyonisia Sedilia Agnes et Margareta voluntate spontanea et ex certa scientia per fidem coram nobis corporaliter prestitam quod contra ordinationem et donationem predictas per se aut per alium non venient in futurum et quod premissa vel aliquod premissorum nullatenus revocabunt me facient nec procurabunt revocari per alium aliquo ingenia vel cautela In cujus in testimonium ad petitionem dictarum Dyonisie Sedilie Agnetis et Margarete sigillum Curie Parisiensis presentibus litteris duximus apponendum Datum anno Domini millesimo ducentesimo sexagesimo quarto die lune post festum Omnium Sanctorum