Charter Document - 04960299
| Charter Number: | 04960299 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Revocation |
| Date: | 1263 - 1264 |
| Date type: | Internal |
| Resource Link(s): |
Cartulaires d'Île-de-France |
Charter:
Universis presentes litteras inspecturis ego Gervasius de Separa miles et ego Ysabellis ejus uxor salutem in Domino Noverint universi quod cum religiose mulieres abbatissa et conventus Portus Regii haberent et possiderent quandam vineam sitam apud Vilers juxta vineam Symonis Giraut in feodo et dominio meo de Separa pro qua vinea predicte abbatissa et conventus nobis seu heredibus nostris tenebantur solvere in Nativitate Domini dimidiam droituram et tres denarios censuales in festo Beati Remigii et duas corveias annuatim Nos communi et pari nostra voluntate et assensu et de voluntate Gervasii primogeniti mei Dei amore et pro nostrarum remedio animarum necnon et antecessorum et successorum nostrorum predictas dimidiam droituram et duas corveias predictis abbatisse et conventui quitavimus et remisimus in futurum Promittentes fide bona quod in predicta vinea seu ratione predicte vinee per nos vel per alium aliquid non reclamabimus in futurum exceptis tribus denariis censualibus in festo Sancti Remigii annuatim Nec ratione predictarum droiture seu corveiarum predictas abbatissam et conventum molestabimus seu molestarii faciemus per nos vel per alium in futurum immo dictam vineam dictis monialibus bona fide garantizabimus contra omnes In cujus rei testimonium et munimen presentes litteras sigillorum nostrorum munimine tradidimus roboratas Actum anno Domini millesimo ducentesimo sexagesimo tercio mense februarii