Charter Document - 04960297
| Charter Number: | 04960297 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1263 |
| Date type: | Internal |
| Resource Link(s): |
Cartulaires d'Île-de-France |
Charter:
Universis [] Officialis Curie Carnotensis salutem in Domino Noveritis quod in nostra presentia constitutus Johannes de Montigni armiger filius primogenitus et heres defuncti Symonis de Logiis militis quitavit et concessit ex nunc in perpetuum religiosis mulieribus abbatisse et conventui de Portu Regis et earum monasterio unum modium bladi annui redditus pro portione contingente ut dicebat Aalidim sororem suam modo monialem abbatie de Portu Regis de omnibus et singulis hereditariis ex parte dicti patris sui moventibus Quem siquidem modium bladi assignavit percipiendum ex nunc in perpetuum a dictis abbatissa et conventu vel eorum mandato quolibet anno in grangia de Montigniaco Volen et concedens [] Et promisit coram nobis fide prestita corporali quod contra dictam concessionem per se vel per alium non veniet in futurum immo procurabit erga fratres suos et sorores suas alias quod ipsi quando ad etatem legitimum devenerint predicta omnia laudabunt et concedent [] Promisit etiam quod si fratres sui aut sorores sue aut eorum aliquid veniet contra permissa ipse abbatissam et conventum super omnibus et singulis premissis conservabit indemnes Et pro premissis tenendis omnia et singula bona sua [] obligavit Renuncians [] et quantum ad hoc se supposuit juridictioni Curie Carnotensis In cujus rei testimonium et munimen presentes litteras sigillo Curie Carnotensis duximus sigillandas Datum anno Domini millesimo ducentesimo sexagesimo tercio mense septembris