Charter Document - 04960293

Charter Document - 04960293


Charter Number: 04960293
Cartulary Title: Cartulaire de l'Abbaye de Porrois
Charter Language: Latin
Charter Origin: Religious
Charter Type(s): Sale
Date: 1263
Date type: Internal
Resource Link(s): Cartulaires d'Île-de-France

Charter:

Universis presentes litteras inspecturis Officialis Curie Parisiensis salutem in Domino Notum facimus quod in nostra presencia constituti Stephanus de Meuduno armiger et domicella Johanna ejus uxor asseruerunt quod ipsi habebant et possidebant ex propria hereditate ipsius Stephani quandam peciam terre arabilis quinque arpenta vel circiter ut dicitur continentem sitam apud Villaria juxta Castrum Forte in territorio quod vulgaliter appellatur Boisseul contiguam ex una parte terre domini Amalrici de Meudonno in territorio domini regis Quam siquidem peciam terre arabilis prout in longitudine et latitudine se comportat prefati Stephanus et Johanna ejus uxor in presencia nostra constituti recognoverunt se vendidisse et in perpetuum quitavisse religiosis mulieribus abbatisse et conventui de Portu Regio ac earum monasterio quinquaginta septem libris parisiensium suis quitis jam eisdem venditoribus solutis numeratis et traditis ut confessi sunt coram nobis Renunciantes expresse exceptioni non numerate pecunie non tradite non solute promittentes voluntate spontanea non coacti fide in manu nostra prestita corporali quod contra venditionem et quitationem hujusmodi jure hereditario ratione conquestus doarii vel alio modo per se vel par alium non venient in futurum et quod dictam peciam terre arabilis prout se comportat ut dictum est prefatis abbatisse et conventui ac earum monasterio garantizabunt liberabunt et deffendent in posterum in judicio et extra sui sumptibus et expensis quociencumque fuerit contra omnes Necnon et quod solvent eisdem monialibus centum solidos parisiensium nomine pene si dicta venditio retracta fuerit vel evicta Actum anno Domini millesimo ducentesimo sexagesimo tercio mense Aprilis