Charter Document - 04960284
| Charter Number: | 04960284 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1262 - 1263 |
| Date type: | Internal |
| Resource Link(s): |
Cartulaires d'Île-de-France |
Charter:
Universis presentes litteras inspecturis Officialis Curie Parisiensis salutem in Domino Notum facimus quod in nostra presencia constituti Gilo de Surenes et Eremburgis ejus uxor asseruerunt quod ipsi habebant tenebant et possidebant apud Beccencort ex successione defuncti Raginaldi Galopin patris quondam dicte Eremburgis terciam partem cujusdam pecie prati siti in territorio quod vocatur Branche super Malum Quarterium que tota pecia honerata est in uno denario parisiensi census capitalis et in octo denariis parisiensibus de trosses annui redditus debitis annuatim domino de Caprosia ut dicebant Cujus pecie prati predicti abbatissa et conventus de Porrois tenent alias duas partes ut dicebant Quam siquidem terciam partem dicti prati prout ipsa tercia pars se comportat dicti Gilo et Eremburgis recognoverunt coram nobis se partim vendidisse et in perpetuum concessisse et partim in excambium perpetuum dedisse predictis abbatisse et conventui de Porreis et eorum ecclesie scilicet partim vendidisse pro LXX solidis parisiensium sibi solutis in pecunia numerata ut confessi sunt coram nobis et partim in excambium dedisse pro duabus partibus unius quarterii prati siti subtus pratum de Bauche quod vocatur Malum Quarterium quas duas partes dicti religiose habebant in eodem quarterio et ipsi Gilo et ejus uxor terciam partem ut dicebant Promittentes fide data in manu nostra spontanei non coacti quod contra venditionem et quitationem hujusmodi et excambium predictum jure hereditatis ratione successionis dotis doarii conquestus aut alio aliquo jure communi vel speciali per se vel per alium non venient in futurum Et quod dictam terciam partem dicte pecie prati ab ipsis venditam et in excambium datam garantizabunt deffendent et librabunt dictis abbatisse et conventui et eorum ecclesie in judicio et extra judicium quandocumque opus fuerit et fuerint super hoc requisiti suis sumptibus perpetuo contra omnes Necnon et quod reddent et solvent dictis religiosis omnia dampna costamenta et expensas que occasione defectus sustinerint credendo solo juramento procuratoris earum religiosarum absque alia probatione et taxatione judiciara precedente obligantes pro recta garandia ferenda et pro dampnis predictis reddendis se et sua et heredes suos Renuntiantes etiam exceptioni non numerate pecunie non habite et non recepte et omnibus hiis que contra presens instrumentum possent dici Datum anno Domini millesimo ducentesimo sexagesimo secundo mense aprilis