Charter Document - 04960251
| Charter Number: | 04960251 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1248 |
| Date type: | Internal |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Johannes comes Montisfortis salutem in Domino Noverint universi quod ego ob remedio anime mee et predecessorum meorum de assensu et voluntate Johanne uxoris mee do et concedo ex nunc in perpetuam elemosinam religiosis mulieribus abbatisse et conventui Portus Regis ordinis cisterciensis parisiensis diocesis et eorum monasterio ducenta et quadraginta arpenta terre que habebam in uno tenenti contigua ex una parte territorio Chamini Petreti ex alia parte nemori quinque Fratrum ex alia terris leprosorum de Essatis regis et ex alia terris Roberti de Bachivalle et Guidonis Porcheri de Gambes ab eisdem abbatissa conventu et monasterio ex nunc in perpetuum tenenda et possidenda libere et quiete absque aliquo onere censuali costuma servitio et redibitione Insuper do et concedo dictis monialibus in puram et perpetuam elemosinam quantum ad locum pertinet usuarium mortui nemoris in communi foresta Aquiline ad comburendum et pasturam animalium et porcorum per communi foresta Aquiline ut habent alii consuetudinarii extra defensa Pro hac autem donatione mihi et heredibus meis dicte moniales quittaverunt totum usuarium quod habebant in communi foresta Aquiline scilicet vivum nemus ad edificandum et mortuum ad comburendum et passagium porcorum quod ipse habebant in defensis meis et alibi et insuper unum modium bladi quem habent in grangia mea de Meriaco Que omnia habebant et tenebant donatione patris mei et antecessorum meorum Et promitto eisdem quod contra dictam elemosinam non veniam in futurum et dictas terras libere et quiete garantizabo bona fide ad usus et consuetudines Francie Retineo autem ibi omnes justicias ad baroniam pertinentes videlicet mulceri rapti occisionis et furti et justiciam sanguinis Volo autem quod dicte moniales habeant simplicem melleiam in servis fratribus et servientibus suis ibi commorantibus sine sanguinis effusione et membrorum mutilatione In cujus rei testimonium presentes litteras sigilli mei munimine feci communiri Actum anno Domini MCC quadragesimo octavo mense julii