Charter Document - 04960250
| Charter Number: | 04960250 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1218 |
| Date type: | Internal |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis officialis curie parisiensis salutem in Domino Notum facimus quod in nostro presencia constitutus dominus Gervasius de Separa miles asseruit quod defunctus Guillelmus de Buc miles dederat olim in elemosinam abbatisse et conventui de Portu Regis quandam peciam vinee site ut dicitur Separam in territorio de Masuris in censiva ejusdem Gervasii et domini Hugonis de Separa militis ad tres denarios censuales Quam elemosinam idem Gervasius primus dominus ut dicitur predicte censive voluit laudavit et concessit coram nobis concedens quod predicte abbatissa et conventus teneant in perpetuum et possideant predictam vineam in manu mortua Et promisit idem Gervasius fide in manu nostra prestita quod contra concessionem istam per se vel per alium non venient in futurum et quod dictam vineam liberam et quietam ab omni costuma ad dictum censum tanquam primus dominus predicte censive memoratis abbatisse et conventui ad usus et consuetudines Francie garantizabit contra omnes qui ratione primi domini possent indicta censiva aliquid reclamare preter quam contra prefatum Hugonem de Separa militem qui in dicta censiva habere dicitur quintam partem Datum anno Domini MCCXLVIII mense julio