Charter Document - 04960244
| Charter Number: | 04960244 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1247 |
| Date type: | Internal |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis officialis archidiaconi Carnotensis salutem in Domino Noveritis quod in nostra presencia constituta et in jure nobilis domina Maria de Sancto Scubiculo recognovit quod ipsa tenetur ponere singulis annis mestivarios ad mestivandum decimam de Sto Scubiculo in qua dicebant moniales de Porta Regis se habere partem suam cum aliis duobus ita scilicet tempestive quod predicti mestivarii quam cito garbe dicte decime ad granchiam ad quam duci contigerit dictam decimam adducentur vel adduci inciperent dictas garbas teneantur intassare et decimam triturare de die in diem continue quousque tota decima trituretur Voluit etiam dicta dominia quod predicti mesti varii qui pro tempore erunt annis singulis prestent fidem corporalem dictis monialibus de sic dictis legitimis in granchia faciendis et quod cotidie triturabant dictam decimam et jus quod habent dicte moniales in eadem decima pro presse suo observabunt In cujus rei testimonium et munimen presentes litteras sigillo curie archidiaconi Carnotensis fecimus sigillari Datum anno Domini millesimo ducentesimo quadragesimo septimo die Martis post festum Beati Dyonisii