Charter Document - 04960234
| Charter Number: | 04960234 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 |
| Date type: | Internal |
| Resource Link(s): |
|
Charter:
Omnibus presentes litteras inspecturis Officialis Curie Parisiensis in Domino salutem Notum facimus quod in nostra presentia constituti Phillipus de Villa Faverose et Avelina uxor ejus recognoverunt quod defunctus Petrus de Noisiaco miles legaverat in extremis abbatisse et conventui de Portu Regis ordinis cisterciensis quadraginta septem arpenta terre et quadam domum de quibus fit mentio in quibusdam litteris nostris sigillo Curie Parisiensis sigillatis et prout in dictis litteris continetur dominus Adam de Buloher miles et Isabellis uxor ejus dicuntur assensisse in hac recognitione Recognoverunt insuper dicti Philippus et ejus uxor quod ipsi Adam et ejus uxor fecerunt permutationem abbatise et conventui supradictis de XXX uno arpentis terre uno quarterio minus pro viginti novem arpentis terre jam dictis Recognoverunt insuper dicti Philippus et Avelina quod dicti Adam et Isabellis concesserant ut dicte moniales predicta triginta unum arpenta quarterio minus teneant cum terre olim elemosinata a predicto Petro in manu mortua salvis eis et eorum heredibus sex denarios tantummodo [] Promiserunt insuper dictus Philippus et Avelina fide in manu nostra corporaliter prestita quod contra [] Datum anno Dni MCCXLV mense julio