Charter Document - 04960233
| Charter Number: | 04960233 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1245 |
| Date type: | Internal |
| Resource Link(s): |
Cartulaires d'Île-de-France |
Charter:
Universis Christi fidelibus presentes litteras inspecturis frater Th[] dictus abbas Valliam Sarnaii salutem in Domino Notum facimus quod cum Petrus de Noisi miles dedisset ob remedium anime sue monasterio Portus Regis centum libras parisiensium ad capellanium ibidem constituendam nos tanquam pater dicti monasterii dictam elemosinam gratam habentes et acceptam volumus et constituimus precipientes ut unus monachus ibidem perpetuo superaddatur numero monachorum ibi residentium qui dictam capellaniam deserviet tali modo videlicet quod cum statutum sit a capitulo generali quod semper in dicto monasterio sint duo monachi residentes qui ibidem divinum officium celebrent et audient confessiones monacharum superaddatur et tercius specialiter pro dicta capellania deservenda qui tam pro vivis quam pro mortuis quin etiam pro solemnitatibus in ordine constitutis prout si placuerit poterit celebrare Ita tamen quod si dictum monachum aliquo casu abesse contigerit moniales que fructum dicte capellanie percipient tenentur alium capellanum loco illius subrogare qui dictam capellaniam deserviet Nos verso soror P [] dicta abatissa Portus Regis totusque ejusdem loci conventus dictam ordinationem capellanie factam per venerabilem Fratrem monasteri nostri superius nominatum concedimus et laudamus promittentes eum in perpetuum observare Ad eternam rei memoriam et testimonium facta sunt duo paria litterarum sigillorum nostroram munimine roborata quorum una in monasterio Vallium Sarnai servabitur alia vero in monasterio Portus Regis remanebit Acta sunt hec anno Domini millesimo ducentesimo quadragesimo quinto mense junii