Charter Document - 04960228
| Charter Number: | 04960228 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1242 |
| Date type: | Internal |
| Resource Link(s): |
|
Charter:
Omnibus presentes litteras inspecturis Officialis Curie Parisiensis in Domino salutem Notum facimus quod in nostra presentia constituti Guillermus de Sandrevilla armiger et Gila ejus uxor Thomas des Ficinivilla et Johanna ejus uxor soror predicte Gile anno Domini millesimo ducentesimo quadragesimo quarto mense aprili recognoverunt quod abbatissa et conventus de Portu Regis habebant et possidebant diversis titulis res inferius suscriptas moventes de feodo de Limous Asserentes dicti Guillermus et uxor ejus Thomas et uxor ejus quod Eustachius de Fraxinis milles primus dominus dicti feodi et predicte Johanna et Gila secunde domine dicti feodi eredes itaque pro quarta parte dicti feodi [] videlicet nonaginta et unum circiter arpenta terre arabilis sita inter Porregium et Montigniacum item quatuordecim alia arpenta terre sita in parrochia de Maniaco in territorio de Porregio et viginti quatuor arpenta nemoris in eodem territorio sita quod nemus et que quatuordecim arpenta terre arabilis Johannes dictus Paalee vendiderat dictis abbatisse et conventui olim ut dicitur Item de alia parte quinquaginta arpenta terre arabilis et decimam dicte terre in eodem feodo liberam et quietam preter quam in eadem terra habet presbyter de Maniaco unum sextarium bladi annuatim et sextarium avene in eadem terra que vocatur Clausus Haie Item quemdam domum cum pertinenciis inter granchiam de Porregio et Montigniacum in parrochia de Maniaco Viginti quatuor arpenta nemoris cum fundo terre sita in Clauso Haie et sex arpenta Molierarum sita ante dictam domum Que quidem quinquaginta arpenta terre sub onere ante dicto dictam domum eum pertinenciis dicti viginti quatuor arpenta nemoris et predicta sex arpenta Molierarum Johannes de Orsignies armiger filius defuncti Johannis de Orsignies et Maria et Isabellis sorores ejusdem nomine suo et nomine Reginaldi patris earumdem abbatisse et conventui de Portu Regis vendiderunt Et quia omnia supradicta movent de feodo suo Guillelmus et uxor ejus Thomas et uxor ejus prout dictum est superius voluerunt et concesserunt [] quod omnia et singula garantizabunt [] Datum mense et anno supradictis