Charter Document - 04960221
| Charter Number: | 04960221 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Declaration |
| Date: | 1242 - 1243 |
| Date type: | Internal |
| Resource Link(s): |
|
Charter:
Universis presentes litteras inspecturis Buchardus dominus Malliaci salutem in Domino Noveritis quod in nostra presentia constitutus Guillelmus de Chaponval recognovit se recipisse ad firmam pro decem sextariis bladi medietatem hybernagii et medietatem avene septem arpenta terre arabilis sita apud Noisiacum in territorio Eurcarum a monialibus de Portu Regis Que arpenta dictus Guillelmus debet tenere per viginti quatuor annos cum decima quam dicte moniales habent apud Noisiacum a bone memorie Eremburgis abbatisse Borregii tali conditione quod quolibet anno dictus Guillelmus tenetur reddere de stramine unam trosam infra festum Beati Martini hyemalis apud Malliacum in domo dictarum monialium et dicta decem sextaria bladi debet adducere ibidem in horreo monialum predictorum Quod si non faceret tenemur ad hoc ipsum compellere faciendum In cujus rei testimonium presentes litteras ad petitionem partium sigilli nostri munimine duximus roborandas Actum anno domini millesimo ducentesimo quadragesimo secundo mense aprili