Charter Document - 04960200
| Charter Number: | 04960200 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1240 |
| Date type: | Internal, A.D., Calendar |
| Resource Link(s): |
Cartulaires d'Île-de-France |
Charter:
Frater Jacobus miseratione divina Penestrinus episcopus apostolice sedis legatus licet indignus dilecto in Christo decano Parisiensi salutem in Domino Dignum est ut qui non solum sua sed etiam semet ipsos salubriter abnegantes carnem suam cum viciis et concupiscenciis crucifigunt in claustris claustralibus se claudando gratis attollantur favoribus et congruis presidiis muniantur ut eo devocius quo quietuis Domino famulantes sibi per vite meritum et aliis proficiant per exemplum Hinc est quod cum dilecte in Christo filie abbatissa et conventus de Portu Regis Cisterciensis ordinis Parisiensis dyocesis contra indulta privilegiorum suorum eis a sede apostolica concessorum a nonnullis Parisiensis Aurelianensis et Carnotensis civitatum et dyocesium temere sicut asserunt molestentur nos eorum quieti providere volentes discretioni tue qua fungimur auctoritate mandamus quatinus eis contra perversorum audaciam presidio defensionis assistens non permittas eos contra indulta ipsas temere molestari molestatores hujus in predictis civitatibus et dyocesibus constitutos monitione premissa per censuram ecclesiasticam compescendo Datum Stampis XXX Kalendas Augusti anno Domini MCC quadragesimo