Charter Document - 04960199
| Charter Number: | 04960199 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1240 |
| Date type: | Internal |
| Resource Link(s): |
Cartulaires d'Île-de-France |
Charter:
Omnibus presente litteras inspecturis A[lbericus] miseratione divina Carnotensis episcopus salutem in Domino Cum dilecte in Christo abbatissa et conventus monialium de Porregio tres modios vini in nostra diocesi apud Marchesium in vinea quondam Hugonis de Marchesio militis perciperent annuatim quos idem Hugo ecclesie de Porregio in perpetuam elemosinam contulit et concessit Tandem dicte abbatissa et conventus ecclesie sue commodum proprium attendentes dictos tres vini modios ejusdem Hugonis heredibus quitaverunt in excambiam pro duodecim solidos parisiensium quos ab ipsis in festo beati Remigii de censu eorum comuni percipient apud Marchesium in hanc modum Videlicet ab Arnulfo de Marchesio milite tres solidos a Guillelmo fratre suo sex solidos et a Robino nepote eorum tres solidos Nos autem hujusmodi concessionem in escambiam factam concedimus et approbamus ac sigilli nostri munimine confirmamus Datum anno Domini millesimo ducentesimo quadragesimo mense julio