Charter Document - 04960189
| Charter Number: | 04960189 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Pledge |
| Date: | 1239 |
| Date type: | Internal |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Officialis Curie Parisiensis in Domino salutem Notum facimus quod in nostra presentia constituti Thomas de Vemartio clericus et Indulfus frater ejus recognoverunt quod ipsi et Henricus pater eorum tenebantur reddere singulis annis in octabis Beati Dyonisii perpetuos ecclesie de Portu Regis quatuordecim solidos parisiensium super novem arpentis terre sitis apud Villam novam et uno arpento terre siti apud Vemarcium ratione decime earumdem arpentorum quam decimam asseruit dicti fratres ipsum Henricum ad firmam quatuordecim solidorum parisiensium recepisse ab ecclesia supradicta Promiserunt insuper dicti fratres fide in manu nostra prestita corporali se dictam pecuniam abbatisse et conventui de Portu Regis in perpetuum soluturos et ad hoc specialiter heredes suos et etiam dictam terram obligaverunt Datum anno Domini millesimo ducentesimo tricesimo nono mense junio