Charter Document - 04960183
| Charter Number: | 04960183 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Revocation |
| Date: | 1238 - 1239 |
| Date type: | Internal |
| Resource Link(s): |
|
Charter:
Ego Matildis nobilis mulier domina Malliaci notum facio universis presentes litteras inspecturis quod dedi et concessi in perpetuum Buchardo militi filio meo carissimo triginta libratas terre turonensium quos nobilis vir Matheus de Malliaco miles mihi debebat assignare in propria hereditate sua pro terra de Chahengneio quam terram bone memorie quondam dominus Malliaci et ego Matildis uxor ejus donavimus in perpetuam elemosinam abbacie Portus Regis Ego predicta Matildis a modo quito dictum Matheum de Malliaco militem ab assigna mento predictarum triginta terre librarum in perpetuum bona fide et volo et concedo quod dicta abbacia Portus Regis predictam terram de Chahengneio in perpetuum quiete et pacifice possideat Quod ut ratum et firmum permaneat in futurum presentes litteras sigilli mei munimine feci roborari Actum anno Domini millesimo ducentesimo tricesimo octavo mense marcio