Charter Document - 04960182
| Charter Number: | 04960182 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1238 - 1239 |
| Date type: | Internal |
| Resource Link(s): |
Cartulaires d'Île-de-France |
Charter:
Universis presentes litteras inspecturis soror E[remburgis] abbatissa dicta Portus regalis et ejusdem loci conventus salutem in Domino Noverit universitas vestra quod nos commutavimus cum viris religiosis et dilectis nostris monachis Vallium Sarnaii quandam vineam apud Rossiacum in censiva earumdem monachorum sitam quam vineam dilectus Symon de Mauveriis miles nobis donaverat ob gratiam et amorem tilie sue qui in domo nostra habitum religionis assumpsit liberam et quietam in perpetuo possidendam pro quadraginta solidis parisiensibus annui census quos singulis annis apud Castrum Forte et apud Vetolium recipiebant videlicet apud Castrum Forte viginti solidos parisienses et apud Vetolium viginti solidos parisienses Et ut ista commutatio in perpetuum stabilis et firma perseveret hanc presontem paginam sigilli nostri appensione roboravimus Actum anno Domini millesimo ducentesimo tricesimo octavo mense februario