Charter Document - 04960175
| Charter Number: | 04960175 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1238 |
| Date type: | Internal |
| Resource Link(s): |
|
Charter:
Ego Buchardus de Malliaco miles notum facio universis presentes litteras inspecturis quod ego de assensu et voluntate Agnetis uxoris mee assignavi abbacie Portus Regis et monialibus ibidem Deo servientibus viginti quatuor solidos carnotensis monete annuatim percipiendos in prefectura mea de Galardone pro viginti solidis parisiensium annui redditus quos eisdem debebam pro parte mea centum solidorum quos bone memorie Buchardus quondam dominus Malliaci pater meus dictis monialibus donavit pro excambio molendini de Diviteburgo Dedi etiam dicte abbatie in puram et perpetuam elemosinam pro remedio anime mee et A uxoris mee et patris mei et antecessorum meorum viginti solidos carnotensium pro quodam cereo quem constitui ad cremendum semper super altare Beate Marie in choro dictarum monialium Volo etiam quod dicti viginti sex solidi quos prebui pro dicto cereo ibi singulis annis percipientur ubi prefati viginti quatuor solidi assignatur videlicet in prefectura mea de Galardone in octabis Omnium Sanctorum per manum prepositi de Galardone quicunque fuerit Volo etiam quod dictus prepositus teneatur persolvere dicte abbacie duodecim denarios carnotensium pro singulis diebus de emenda si forte dictam pecunie summam ad terminum prenotatum differe presumpserit Actum anno Gratie millesimo ducentesimo octavo mense septembri