Charter Document - 04960172
| Charter Number: | 04960172 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1238 |
| Date type: | Internal |
| Resource Link(s): |
Cartulaires d'Île-de-France |
Charter:
Universis Christi fidelibus presentes litteras inspecturis Guido de Caprosia miles salutem in Domine Noverint universi quod presencia nostra constitutus Petrus de Alneio miles voluit et concessit quod moniales de Portu regis in perpetuum libere in manu mortua possideant et quiete totum quintum tenementorum et possessionum quas Philippus de Vallemorier et Eremburgis uxor ejus legaverunt iisdem monialibus in perpetuam elemosinam promittens sub prestito fidei sacramento quod contra concessionem istam per se vel per alium non veniet in futuram Gatho etiam et Johannes filii ejusdem patris concessionem voluerunt et concesserunt in manu nostra fide prestita corporali Nos vero de cujus feodo dictum quintum movere dicitur elemosinam factam approbavimus volentes et concedentes quod dicte moniales in perpetuum dictum quintum modo superius annotato Promisimus etiam quod jam dictam elemosinam sepe dictis monialibus pro posse nostro garantizabimus contra omnes In cujus rei memoriam et testimonium sigillam nostrum presenti pagine dignum duximus apponendum Actum anno gracie millesimo ducentesimo tricesimo octavo