Charter Document - 04960163
| Charter Number: | 04960163 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1236 |
| Date type: | Internal |
| Resource Link(s): |
Cartulaires d'Île-de-France |
Charter:
Universis [] Officialis Curie Parisiensis [] Notum facimus quod in nostru presentia constitutus Gervasius de Separa miles recognovit quod ipse vendiderat monialibus de Porregio pro LX libris parisiensium jam sibi solutis de consensu domine Odelina matris ipsius quidquid mater ejus tenebat ratione dotalicii in quadam pecia vinee sita apud Separam Quam dictus miles et ejus mater ac Symon et Rogerus fratres ejus quondam contulerant in elemosinam monialibus ante dictis excepto dotalicio predicto tenendam in manu mortua ad quatuor denarios censuales sine alio censu costuma vel droitura Et promisit fide prestita corporaliter quod contra vinditionem eamdem non veniet in futurum sed eam dictis monialibus garantizabit in manu mortua ad usus et consuctudines Francie contra omnes Et hoc Odelina mater et Symon et Rogerus fratres prefatam venditionem voluerunt et quitaverunt et promiserunt Nichilominus promittens sub prestita fide mater ante dicta se in dicta venditione nichil de cetero ratione juris quod ibidem habebat nomine dotalicii reclamaturam Insuper dominus Gervasius le Veaultre miles de cujus feodo res vendita movere dicitur coram nobis dictam venditionem voluit concessit promittens [] Supradicti Gervasius de Separa Symon et Rogerus fratres concesserunt predictis monialibus quod omnes illi qui voluerint ire ad pressorium dictarum monialium ad premendum vinum suum ibidem libere possint ire salvo jure fratrum eorumden Actum anno gratie MCCXXXVI mense decembri