Charter Document - 04960148
| Charter Number: | 04960148 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1234 |
| Date type: | Internal |
| Resource Link(s): |
|
Charter:
Omnibus presentes litteras inspecturis H[erbertus] De permissione Beate Genovefe Parisiensis humilis abbas totiusque ejusdem loci conventus salutem in Domino Noverit universitas vestra quod cum bone memorie Margareta vicecomilissa Narbonensis dedisset assensu Hamerici mariti sui in puram et perpetuam elemosinam conventui Portus Regis cisterciensis ordinis quindecim libros turonensium annui redditus que erant de maritagio suo in civitate Parisiensi videlicet decem libras Turonensium in clauso Malivicini in censiva nostra et in precio centum solidorum turonensium totum redditum salis quem percipiebat dicta Margareta Parisius in portu Sequane subtus magnum pontem videlicet unum sextarium salis percipiendum in singulis navibus que invente erant vel veniebant ibidem a festo Sancti Andree usque ad Natale Domini Margareta abbatissa Portus Regis et conventus dicti loci tradiderunt nobis dictum redditum decem librarum turonensium et redditum salis assensu et voluntate abbatis Vallium Sarnaii patris sui et conventus ejusdem loci pro duodecim libris parisiensium quas nos tenemur pro excambio quindecim librarum turonensium supradictarum dictis abbatisse et conventui Portus Regis reddere singulis annis Parisius apud sanctam Genovefam in octabis Omnium Sanctorum quatuor libras in octabis nativitatis Domini quatuor libras et alias quatuor libras in octabis Pasche Quod ut ratum et firmum permaneat presentes litteras sigillorum nostrorum munimine roboravimus Actum anno Domini millesimo ducentesimo tricesimo quarto