Charter Document - 04960143
| Charter Number: | 04960143 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Assignment |
| Date: | 1233 |
| Date type: | Internal |
| Resource Link(s): |
Cartulaires d'Île-de-France |
Charter:
Ego Buchardus de Malliaco miles de voluntate et assensu Agnetis uxoris mee assignavi abbatie Portus Regis et monialibus ibidem Deo servientibus viginti quatuor solidos carnotensis monete annuatim percipiendos in prefectura mea de Galardone pro viginti solidis parisiensium annui redditus quos eisdem debebam pro parte mea centum solidorum quas bone memorie Buchardus pater meus quondum dominus Malliaci dictis monialibus donavit pro excambio molendini de Diviteburgo Dedi etiam dicte abbatie pro remedio anime mee et Agnelis uxoris mee et patris mei et antecessorum meorum viginti sex solidos carnotensium pro quodam cereo quod constitui ad cremandum semper super altare Beate Marie in choro dictatam monialium Volo etiam quod dicti viginti sex solidi quos eisdem prebui pro dicto cereo singulis annis percipiatur ubi prefati viginti quatuor solidi assignantur scilicet in prepositura mea de Galardone in octabis Omnium Sanctorum per manum prepositi de Galardone quicumque fuerit ille Volo etiam quod dictus prepositus tenetur persolvere dicte abbacie duodecim denarios carnotensium de emenda pro singulis diebus si forte dictam pecunie summam ad terminum prenotatum differre presumpserit Actum anno gratie millesimo ducentesimo tricesimo tertio mense septembri