Charter Document - 04960134
| Charter Number: | 04960134 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 - 1233 |
| Date type: | Internal |
| Resource Link(s): |
|
Charter:
Omnibus presentes litteras inspecturis ego Stephanus de Meduno miles notum facio quod de voluntate et assensu Marie uxoris mee dedi et concessi pro remedio anime mee et antecessorum meorum abbacie Portus Regis et monialibus ibidem Deo servientibus totam vineam meam sitam in territorio de Pireto quam tenebam ad undecim denarios censuales et unum obolum de domino Johanne de Villa Davrais in festo Sancti Remigii annis singulis persolvendos predictis abbatisse et monialibus libere et quiete in puram et perpetuam elemosinam ad censum duodecim denariorum censualium et unum obolum tenendam amodo et pacifice possidendam In cujus rei memoriam et testimonium presentes litteras sigilli mei munimine duxi roborandas Actum anno gracie MCCXXXII mense fabruarii