Charter Document - 04960130
| Charter Number: | 04960130 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1231 - 1232 |
| Date type: | Internal |
| Resource Link(s): |
Cartulaires d'Île-de-France |
Charter:
Ego Americus Dei gratia vicecomes Narbone notum facio omnibus presentes litteras inspecturis quod ego et felicis memorie Margareta quondam uxor mea dedimus in puram et perpetuam elemosinam monialibus Porregii C solidos parisiensium annui redditus in censu quem habemus apud Quarrerias ex parte dicte Margarete in festo Sancti Remigii annuatim percipiendos Preterea dedimus dictis monialibus pro Margareta nepte Roberti de Essenviller militis que erat filiola dicte Margarete uxoris nostre LX solidos parisiensium pro quibus dicte moniales tenent quandam vineam apud Malliacum que vocatur La Crote Et hoc factum fuit postquam recepte fuerant in moniales et sorores filia nostra Aelisis et Margareta filiola uxoris nostre Actum anno Domini MCCXXXI mense januario