Charter Document - 04960127
| Charter Number: | 04960127 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1231 |
| Date type: | Internal |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis G[alterus] divina permissione Carnotensis minister humilis salutem in Domino Noveritis quod constitutus in nostra presentia Johannes dictus rex de Rambouilleto fide data pignori obligavit ecclesie de Porrois pro quinquaginta quinque libris parisiensium totam decimam suam de Sancto Scubiculo ab eadem ecclesia quandiu pignus duraverit percipiendam pacifice et habendam de marcio in marcium ad petitionen partis quam primo poterit redimendam Hanc autem in pignorationem Germundus de Marolio miles de cujus feodo predicta movet decima fide data coram nobis laudavit et concessit et super hoc plegium se constituit et garantizatorem de hac impignoratione tenenda Robertus de Praella Joucelinus frater ejus Albinus de Botiniaco et Symon de Assidii milites coram nobis fide data se constituerunt plegios quilibet in solidum In cujus rei testimonim presentes litteras sigilli nostri fecimus impressione muniri Datum anno domini millesimo ducentesimo tricesimo primo mense maio