Charter Document - 04960120
| Charter Number: | 04960120 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1230 |
| Date type: | Internal |
| Resource Link(s): |
|
Charter:
Willelmus divina permissione Parisiensis ecclesie minister indignus universis presentes litteras inspecturis in Domino salutem Noverit universitas vestra quod Robertus Sinenapis miles in nostra presentia constitutus concessit pariter et laudavit donationem quam fecerat [] filia Rolandi de Ossenies defuncti abbatie monalium de Porresio Cistertiensis ordinis et quod contra donationem ipsam et laudationem suam per se vel per alium nunquam veniret in manu nostra fidem prestitit corporalem De hoc etiam tenendo et firmiter observando Margarita uxor dicti Roberti militis fidem dedit corparalem in manu B presbyteri de Sarcleio ad hoc a nobis specialiter missi sicut idem presbyter nobis per litteras suas intimavit In cujus rei memoriam et testimonium presentes litteras sigilli nostri impressione fecimus muniri Actum anno Domini MCC tricesimo mense maio