Charter Document - 04960086
| Charter Number: | 04960086 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1226 |
| Date type: | Internal |
| Resource Link(s): |
|
Charter:
Noverint universi quod ego Buchardus dominus Malliaci de assensu et voluntate Matildis uxoris mee Petri et Buchardi filiorum meorum pro salute mea et predictorum M uxoris mee P et B et aliorum filiorum meorum et maxime pro salute et amore Theobaldi filii mei primogeniti qui Dei gratia inspirante in abbacia Vallium Sarneiensium habitum religionis cisterciensis susceperat donavi in perpetuam elemosinam domui Portus Regis centum solidos parisiensium percipiendos annis singulis in redditu meo de Mellento prima die junii quem redditum excambiavit mihi Matheus frater meus pro decem libris quas ego habebam in feodo quem dedit comes Mellenti bone memorie domino Matheo patri nostro Et ut hoc ratum et stabile in perpetuum habeatur presentes litteras sigilli mei munimine roboravi Actum anno Domini millesimo ducentesimo vicesimo sexto mense maio