Charter Document - 04960084
| Charter Number: | 04960084 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1225 - 1226 |
| Date type: | Internal |
| Resource Link(s): |
|
Charter:
Ego Amaricus de Issiaco miles notum facio omnibus tam presentibus quam futuris presentes litteras inspecturis quod ego et uxor mea Odelina et heredes mei elemosinam quam fecit de functus Matheus de Meudon miles et Stephanus de Meudon miles nepos ipsius Mathei laudavit et concessit abbacie de Portu Regio de sex sextariis bladi et uno duplario vini et quadam mensura laudavimus et concessimus eidem abbacie in perpetuum quiete et pacifice quantum in nobis est de cetero tenendam et possidendam promittentes quod contra concessionem istam de cetero venire non attemptavimus In cujus rei memoriam et testimonium presentes litteras dicte abbacie sigilli mei impressione dedi roboratas Actum anno Domini MCCXXV mense aprili