Charter Document - 04960056
| Charter Number: | 04960056 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 - 1222 |
| Date type: | Internal |
| Resource Link(s): |
|
Charter:
Soror Amicia dicta abbatissa totusque conventus Sancti Antonii Parisiensis omnibus presentes litteras inspecturis salutem in Domino Notum facimus quod viginti sertarios hybernagii ad mensuram stampensem quos habebamus in decima de Gratelou singulis annis percipiendos collatas nobis a domino Roberto de Platello milite in perpetuam elemosinam dedimus et concessimus abbatisse et conventui de Porregio pro decem arpentis terre orabilis sitis inter Alnetum et Salviniacum quos habebant de elemosina bone memorie viri nobilis Roberti Malivicini Ita quod in dicto blado nichil penitus de cetero reclamabimus Ne autem supra dicto excambio facto inter nos pro bono et utilitate utriusque domus nostre videlicet et sue aliqua inter posteros possit oriri calumpnia ad jam dicti excambii testimonium et perpetuam firmitatem obtinendam presentes litteras fecimus adnotari et sigilli nostri impressione roborari Actum anno Domini millesimo ducentesimo vicesimo primo mense aprili