Charter Document - 04960055
| Charter Number: | 04960055 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1221 - 1222 |
| Date type: | Internal |
| Resource Link(s): |
Cartulaires d'Île-de-France |
Charter:
Ego Guido dominus Caprosie notum facio tam presentibus quam futuris quod ego de concensu Helissendis uxoris mee et fratrum meorum Milonis et Hervei accensi abbatie de Portu Regis sexaginta arpenta terre sita in territorio de Campo Guarnierii pro quinque modiis avene annuatim infra festum Beati Andree percipiendis Dedi etiam eis unum arpentum terre prope eadem terram ad faciendum herbergagium libere possidendum salva omni mea justicia extra porpisium dicti herbergagii Concessi etiam quod manentes in eodem herbergagio usuarium suum in nemoribus de Campo Guernierii sicut alii consuetudinarii libere percipient et quiete Quod ut ratum et inconcussum permaneat presentem cartam sigilli mei munimine roboravi Actum anno Domini ducentesimo vicesimo primo mense marcio